ກອງປະຊຸມ ແລະ ພິທີມອບລາງວັນເຄືອຂ່າຍຜູ້ປະກອບການແມ່ຍິງດີເດັ່ນອາຊຽນ 2026 (ASEAN Women Entrepreneurs Forum and Award 2026)

ເປັນປະທານເປີດກອງປະຊຸມ ແລະ ພິທີມອບລາງວັນດັ່ງກ່າວ ໂດຍ ທ່ານ ນ. ຈັນທະຈອນ ວົງໄຊ ປະທານ ສທຍ, ປະທານ AWEN 2026-2027, ມີ ທ່ານ ປອ. ມະໂນທອງ ວົງໄຊ ຮອງລັດຖະມົນຕີ ກະຊວງອຸດສາຫະກຳ ແລະການຄ້າ ແລະ ທ່ານ ນ. ທໍາມາ ເພັດວິໄຊ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ແລະ ມີບັນດາທ່ານເອກອັກຄະລັດຖະທູດ, ທຸຕານຸທູດ ປະເທດສະມາຊິກອາຊຽນ ປະຈໍາ ສປປ ລາວ, ບັນດາປະທານເຄືອຂ່າຍຜູ້ປະກອບການແມ່ຍິງປະເທດອາຊຽນ ຈາກບັນດາປະເທດສະມາຊິກອາຊຽນ 11 ປະເທດ ພ້ອມດ້ວຍຄະນະ ແລະ ແຂກຖືກເຊີນຈາກພາກສ່ວນທີ່ກ່ຽວຂ້ອງ, ຕາງຫນ້າຈາກບັນດາບໍລິສັດທີ່ໃຫ້ການສະໜູນງານໃນຄັ້ງນີ້ແລະ ມີສະມາຊິກ ສທຍ ທົ່ວປະເທດ ແລະ ສື່ມ່ວນຊົນ 300 ກວ່າທ່ານ ເຂົ້າຮ່ວມ.

ສທຍ ເປັນອົງການຈັດຕັ້ງທີ່ຖືກຕັ້ງໂດຍ ລັດຖະບານແຫ່ງ ສປປ ລາວ ແລະ ໄດ້ຕາງໜ້າ ສປປ.ລາວ ໃນການປະກອບສ່ວນເຂົ້າວຽກງານຂອງ AWEN ເຊິ່ງເປັນພື້ນຖານອັນສໍາຄັນ ທີ່ໄດ້ນໍາພາໃຫ້ ສປປ ລາວ ໄດ້ກ້າວຂຶ້ນສູ່ບົດບາດໃນເວທີຂອງອາຊຽນ ແລະ ສາກົນ ໃນການເຊື່ອມໂຍງພາກພື້ນ ແລະສາກົນ ເພື່ອສົ່ງເສີມບົດບາດຍິງ-ຊາຍ, ເພີ່ມຂີດ ຄວາມສາມາດດ້ານການ ແຂ່ງຂັນ, ແລະ ສ້າງໂອກາດໃຫ້ນັກບັດດາທຸລະກິດຍິງໃນອາຊຽນໄດ້ເຊື່ອມໂຍງທາງດ້ານ ການຄ້າ ແລະ ການລົງທຶນ ພາກພື້ນ ແລະ ສາກົນ.

ງານດັ່ງກ່າວນີ້ເປັນເວທີໃຫ້ແກ່ຜູ້ກອບການແມ່ຍິງໃນອາຊຽນ, ຜູ້ກຳນົດນະໂຍບາຍ, ຄູ່ຮ່ວມພັດທະນາຈາກທົ່ວ ພາກພື້ນໄດ້ມາພົບປະ, ແລກປ່ຽນປະສົບການ, ແລະ ປຶກສາຫາລືກ່ຽວກັບໂອກາດ ຈະ ປຶກສາຫາລືກ່ຽວກັບໂອກາດ ແລະ ສິ່ງທ້າທາຍທີ່ນັກ ທຸລະກິດແມ່ຍິງກໍາລັງປະເຊີນຢູ່ເປັນຕົ້ນ: ການເຂົ້າເຖິງແຫຼ່ງທຶນ, ການນໍາໃຊ້ເຕັກໂນໂລຊີ ຫຼື ການຂະຫຍາຍຕະຫຼາດໃນພາກພື້ນຂອງອາຊຽນ ແລະ ສາກົນ.