ຜົນການເຂົ້າຮ່ວມກອງປະຊຸມເຄືອຂ່າຍຜູ້ປະກອບການແມ່ຍິງອາຊຽນຄັ້ງທີ 4 (The 4th ASEAN Women Entrepreneurs Network Forum 2018: AWEN)ຈັດຂຶ້ນລະຫວ່າງວັນທີ10-11ພຶດສະພາ 2018 ທີ່ບາງກອກ (ຣາຊອານາຈັກໄທ) ໂດຍການເປັນປະທານຂອງທ່ານພົນເອກ ອະນັນຕະພອນ ການຈະນະຣັດ, ລັດຖະມົນຕີວ່າການກະຊວງ ການພັດທະນາສັງຄົມ ແລະ ຄວາມໝັ້ນຄົງຂອງມະນຸດ, ແຫ່ງຣາຊອານາຈັກໄທ. ມີຜູ້ແທນ ແລະ ແຂກຖືກເຊີນ ເຂົ້າຮ່ວມ 250 ຄົນ ຈາກ 10 ປະເທດອາຊຽນ.

ກ່ອນເປີດກອງປະຊຸມບັນດາປະທານເຄືອຂ່າຍຜູ້ປະກອບການແມ່ຍິງຂອງ10ປະເທດອາຊຽນໄດ້ເຂົ້າຢ້ຽມຄຳນັບ ທ່ານ ພົນເອກ ປະຍຸດ ຈັນໂອຊາ ນາຍົກລັດຖະມົນຕິ ແຫ່ງຣາຊອານາຈັກໄທ, ເນື່ອງໃນໂອກາດງານມອບຮັບ ປະທານ AWEN ຈາກປະເທດຟີລິບປິນ ມອບຕໍ່ໃຫ້ປະເທດໄທ.

ຫຼັງຈາກນັ້ນກອງປະຊຸມໄດ້ດໍາເນີນການສໍາມະນາໃນຫົວຂໍ້ ກ່ຽວ ກັບ ພະລັງຂອງແມ່ຍິງກັບເສດຖະກິດ ແລະ ຄວາມສຳເລັດຜູ້ປະກອບການແມ່ຍິງ. ໃນກອງປະຄັ້ງໄດ້ມີພິທີ ມອບຮັບຕຳແໜ່ງປະທານເຄືອຂ່າຍຜູ້ປະກອບການແມ່ຍິງ ອາຊຽນຄົນໃໝ່ ມອບໂດຍທ່ານ ນາງ Pacita Juan ປະທານ AWEN ຈາກປະເທດ ຟີລິບປິນ, ຮັບໂດຍຄຸນຫຍິງ ນັນທິກາ ວັດທະນະເວຄິນ ອົງອຸບົນກຸນ ປະທານ AWEN ແຫ່ງຣາຊອານາຈັກໄທ.

ຈາກນັ້ນໄດ້ມີການມອບລາງ ວັນໃຫ້ແກ່ຜູ້ປະກອບການແມ່ຍິງ ດີເດັ່ນຈໍານວນ 65 ຄົນຈາກ 10 ປະເທດ ສະມາຊິກອາຊຽນ. ໃນນັ້ນ ມີຜູ້ປະກອບ ການແມ່ຍິງດີເດັ່ນຈາກ ສປປລາວ 9 ຄົນດັ່ງນີ້:

  1. ທ່ານ ແກ່ນຈັນ ບຸດດາວົງ    ປະທານ ກຸ່ມບໍລິສັດ ຫົງຄຳພາກໃຕ້ ຈຳກັດຜູ້ດຽວ
  2. ທ່ານ ນາງ ດວງຕາ ມາດມະນີສອນ   ປະທານ ບໍລິສັດ DM GROUP SOLE.,LTD
  3. ທ່ານ ນາງ ບົວວຽງ ເພັດທະລານຄຳ ອໍານວຍການ ບໍລິສັດ SETHA AGRICULTURAL SOLE CO.,LTD
  4. ທ່ານ ນາງ ດາລິວັນ ສິດພະໄຊ       ປະທານ ບໍລິສັດ ພູນເງິນການຄ້າ ຂາອອກ-ຂາເຂົ້າ ຈຳກັດ
  5. ທ່ານ ດຣ ສີວິໄຊ ທັມມະລັງສີ ອໍານວຍການ ລາວອິນເຕີຄລີນິກ
  6. ທ່ານ ນາງ ສຸດສະດີ ລືໄຊ    ອໍານວຍການ ບໍລິສັດ ລືໄຊ ກໍ່ສ້າງຈຳກັດ
  7. ທ່ານ ນາງ ຄອນສະຫວັນ ໄຊສຸລຽນ ອໍານວຍການ ບໍລິສັດ INFOTECH CO., LTD
  8. ທ່ານ ນາງ ຈຳປາທອງ ທະລົງແສງຈັນ ອໍານວຍການ ບໍລິສັດ LAO INTERTRADE SOLE., LTD
  9. ທ່ານ ນາງ ມະໂນທິບ ສີຣິປະພັນ   CEO ຮ້ານ ນາຣີ HANDBAGS

 

AWEN Award receivers from Laos

 

Meeting with Thailand’s Prime Minister Prayuth Chan-ocha

 

ASEAN Women Entrepreneurs